Klubi i Ferizaj përmes një komunikate në faqen zyrtare ka njoftuar se ka ndarë rrugët me trajnerin Andrej Panadiç dhe ndihmësin e tij, Nikola Boroe.
Panadiç drejtoi Ferizajn për shtatë muaj, ndërsa suksesi më i spikatur ishte mbledhja e 28 pikëve në sezonin pranveror, raporton KosovaPress.E mori ekipin në një gjendje të vështirë, kur pak kush mund të besonte se do ta kapnim barazhin. Pavarësisht që misioni nuk përfundoi me sukses, Andrej Panadiç do mbetet pjesë e rëndësishme e historikut të klubit tonë.
FC Ferizaj e falenderon trajnerin Panadiç, për angazhimin dhe grintën e treguar, duke i dëshiruar shumë shëndet e suksese në rrugëtimin profesional”, shkruhej në komunikatën e Ferizajt.“Padyshim se marrëdhëniet mes klubit dhe tani ish-trajnerit Panadiç janë të shkëlqyera dhe ku i dihet së ardhmës, ndoshta rrugët do të na bashkohen në ditë më të mira”, shkoi Ferizaj në “Facebook”.
Ferizaj tashmë garat e sezonit të ardhshëm do t’i zhvillojë në Ligën e Parë, pasi në ndeshjen e barazhit u mposht nga skuadra e Lirisë, e cila sezonin 2023/24 e nis në Superligën e Kosovës.