Real Madridi ka konfirmuar edhe zyrtarisht largimin e Karim Benzemas.

Gjiganti spanjoll ka konfirmuar se me sulmuesin francez kanë rënë dakord t'i japin fund bashkëpunimi që ishte jashtëzakonisht i frytshëm.

Karim Benzema iu bashkuar Realit në vitin 2009, në moshën 21-vjeçare dhe ka qenë një lojtar kyç në këtë epokë të artë të historisë “Los Blancos”. Gjatë katërmbëdhjetë sezoneve në të cilat ai ka mbrojtur fanellën e bardhë ai ka fituar 25 tituj, një numër rekord për Real Madridin: 5 Kupa Evropiane, 5 Kupa të Botës për Klube, 4 Superkupa Evropiane, 4 Liga, 3 Kupa të Mbretit dhe 4 Superkupa të Spanjës, përcjellë KosovaPress.

Karim Benzema është Topi i Artë aktual dhe Lojtari i Vitit nga UEFA, si dhe është përfshirë në FIFA FIFPRO Eleven dhe fitues i Trofeut Pichichi 2022. Çmimet e marra pas një prej sezoneve më të jashtëzakonshme në historinë e Realit, veçanërisht në Ligën e Kampionëve, në të cilën kapiteni luajti në ndeshje të paharrueshme që ndihmuan Real Madridin të fitojë Kupën e Katërmbëdhjetë Evropiane në Paris, duke qenë golashënuesi më i mirë në këtë kompeticion me 15 gola.

Të martën e ardhshme, më 6 qershor, në orën 12:00, në Real Madrid City do të zhvillohet një akt institucional nderimi dhe lamtumire për Karim Benzema, me praninë e presidentit tonë Florentino Pérez.