Zemaj heq barrën nga vetja, thotë se rastet u rritën pas lirimit të masave dhe tubimit të 12 qershorit

Zemaj heq barrën nga vetja, thotë se rastet u rritën pas lirimit të masave dhe tubimit të 12 qershorit

Ministri i Shëndetësisë, Armend Zemaj ka hequr barrën nga vetja për rritjen e rasteve të fundit me Covid-19.  I pari i shëndetësisë gjatë vizitës sotme në kryeqytet,  u shpreh se frytet e rritjeve të rasteve me koronavirus janë nga lirimet e masave në maj dhe protestës së Vetëvendosjes më 12 qershor.

Zemaj para kryetarit Ahmeti paralajmëroi testime masive për Covid-19, ndonëse ditëve të fundit është ndaluar testimi i kontakteve të personave me koronavirus.

“Frytet e rritjes së numrit janë duke i gëzuar nga lirimet që kanë ndodhur në fund të majit, e sidomos pas datës 12 qershor. Por menaxhimi dhe synimi jonë është që kemi situatën në kontroll”, tha ai.

Krahas kësaj, theksoi se shumë shpejt do të bëjnë publike strategjinë anti-Covid për tre muajt e ardhshëm.

“Jemi duke shikuar dhe rishkuar situatën që të kalojmë në testime masive. Kemi formuar edhe grup të ekspertëve brenda Ministrisë së Shëndetësisë, i cili do të adresohet shumë shpejt me rekomandime të qarta për testime edhe për strategjinë e re anti Covid. Sidomos për tre muajt e ardhshme”, tha ai.


E, “nikoqiri” i takimit, kryetari i komunës së Prishtinës, Shpend Ahmeti tha se në kryeqytet janë rreth 400 raste me Covid-19, mirëpo theksoi se janë duke menaxhuar situatën.

“Diku i kemi përafërsisht 400 raste aktive në kryeqytet dhe natyrisht ky komunikim dhe monitorim bëhet edhe më i vështirë. Po e them që deri më sot jemi në gjendje të raportojmë dhe të kemi situatën në kontroll sa i përket rasteve aktive, monitorimit të tyre dhe po ashtu të ndalim hovin e shpejtë të virusit që do të na shkaktonte probleme të mëdha”, tha ai.

Për testimet në laboratore private, Ahmeti kërkoi një normativ ligjore për testimet në mënyrë të dihet se cili test është i pranueshëm, e cili jo.

“Me pas një normativ ligjore e cila i specifikon se cili test është i pranueshëm dhe cili jo”, tha ai.

Gjatë këtij takimi dy zyrtarët theksuan nevojën e bashkëpunimit dhe koordinimit mes tyre./E.Zeqiri

Lexo edhe

Video

error: