Zbulohet arsyeja pse Cech u largua nga Chelsea

Zbulohet arsyeja pse Cech u largua nga Chelsea

Legjenda e Chelseat, Petr Cech, i cili u largua nga roli i tij si këshilltar teknik dhe i performancës, u përplas me pronarin e ri të klubit, Todd Boehly për largimin e Romelu Lukakut përpara se ku i fundit të largohej nga “Stamford Bridge”.

Largimi i Petr Cech nga Chelsea thuhet se erdhi pasi ai nuk u pajtua me pronarin e ri të “Bluve” Todd Boehly për Romelu Lukaku.

Lukaku u rikthye në “Stamford Bridge” verën e kaluar, por belgu ka pasur vështirësi para portës për skuadrën Thomas Tuchel.

Dhe 12 muaj më vonë, Lukaku duket se do të kthehet në rrugën e tij për tek Interi, përcjell KosovaPress.


Cech u largua nga roli i tij si këshilltar teknik dhe i performancës, pas largimit të Bruce Buck dhe Marina Granovskaia nga Chelsea.

Sipas “Telegraph”, Cech ishte i pakënaqur me rolin e tij të reduktuar dhe ai besonte se Lukakut duhet t’i jepej një shans i dytë.

Belgu arriti në një marrëveshje pesëvjeçare, në shumën afro 110 milionë eurosh, verën e kaluar pasi fitoi titullin e Serie A.

Megjithatë, Lukaku nuk ka qenë në gjendje të përsërisë formën e tij të Serie A në nivelin e Premier Ligës. Dhe belgu ishte në gjendje të shënonte vetëm tetë gola në Premier League sezonin e kaluar, ndërsa një asistim të vetëm në 26 paraqitje.

Lexo edhe

Video