Ylli i Newcastle me mesazh për Neymarin: Numri 10 po të pret këtu

Ylli i Newcastle me mesazh për Neymarin: Numri 10 po të pret këtu

Duke parë pyetjet e shumta për situatën e Neymarit te Paris Saint-Germain, një bashkatdhetar i tij tani ka përhapur më shumë spekulime për të ardhmen e yllit brazilian.

Neymar besohet se është i vetëdijshëm për spekulimet që po e lidhin me një lëvizje në Premier Ligë, dhe super-ylli i PSG-së është informuar nga shoku brazilian, Joelinton, se fanella me numrin 10 është duke e pritur në Newcastle.

Lojtari më i shtrenjtë në planet po sheh pyetje serioze për të ardhmen e tij rreth pesë vjet pas përfundimit të një transferimi rekord prej 222 milionë eurosh nga Barcelona në “Parc des Princes”, përcjell KosovaPress.

Burime të “GOAL” kanë mësuar se PSG do të dëgjojë ofertat për 30-vjeçarin këtë verë, dhe me  Chelsea që janë lidhur me një interesim, Joelinton ka sugjeruar që Neymar duhet të mendojë t’i bashkohet atij dhe Bruno Guimaraes në “St James’ Park”.

Sulmuesi brazilian Joelinton, i cili ka kaluar tre sezonet e fundit te Newcastle, ka folur për “Cast FC” për spekulimet e largimit të Neymar që po vijnë nga Franca.


“Ne mund t’i japim atij një vend, sigurisht! Në çdo ekip në botë. Nëse ai vjen do të jetë i mirëpritur. Nuk mund ta shpjegoj, njeriu është një idhull, është i madh në futbollin botëror. Pra, ftesa u krye. Neymar, nëse po e dëgjon këtë, mund të vish. Unë do të vrapoj për ju gjatë gjithë kohës”, tha Joelinton.

“Nëse kemi mundësi, shpresoj se trajneri do ta thërrasë atë. Fanella me numër 10 është aty duke e pritur. Do t’i dërgoj një mesazh Brunos. Bruno ka kontaktin e tij, ai mund të dërgojë një mesazh duke ftuar Neymar të luajë këtu”, shtoi më tej sulmuesi brazilian.

Ka pak klube në botë që mund të përballojnë të financojnë një lëvizje për Neymar.

Newcastle tani është një nga ato skuadra, me një blerje prej 350 milionë eurove të klubit që ka përfunduar në tetor 2021.

Fondi i Investimeve Publike të Arabisë Saudite (PIF) tani zotëron 80% të aksioneve të Newcastle, që do të thotë se klubi anglez është bërë një nga ekipet më të pasura në planet.

Lexo edhe

Video