Xhaçka: “Ballkani i Hapur”, mjet efektiv për bashkëpunimin dhe dialogun mes vendeve

Xhaçka: “Ballkani i Hapur”, mjet efektiv për bashkëpunimin dhe dialogun mes vendeve

Ministrja për Evropën dhe Punët e Jashtme e Shqipërisë, Olta Xhaçka, drejtoi sot sesionin e Këshillit Ministror të OSBE-së që u mbajt në Suedi, në cilësinë e treshes kryesuese të kësaj organizate për 2019-2021.

Xhaçka e cilësoi nismën “Ballkani i hapur” si një mjet efektiv për të luftuar pasigurinë dhe paqëndrueshmërinë, që po rriten gjithnjë e më shumë në hapësirën e OSBE-së. Sipas saj, bashkëpunimi dhe dialogu janë e vetmja mënyrë për t’i dhënë fund konflikteve dhe t’i hapin rrugë negociatave.

“Dialogu nuk është kurrë i lehtë. Sidomos në një klimë polarizimi të theksuar në politikën ndërkombëtare dhe të brendshme. Por unë besoj fort se dialogu është e vetmja rrugë. Është ky besim dhe përkushtim ndaj vlerës së dialogut që mbështet politikën e jashtme të Shqipërisë”, tha ajo.


Kjo është arsyeja, vijoi Xhaçka, që në rajon kanë nisur një aksion të pashembullt, Iniciativën e Ballkanit të Hapur, e cila në thelb është një përpjekje për të përshpejtuar procesin e Berlinit”.

“Sigurisht, ka çështje të pazgjidhura mes shumë njerëzve dhe vendeve në rajonin tonë. Por ne besojmë se duke biseduar, duke bashkëpunuar, duke u treguar njerëzve tanë dhe komuniteteve tona se si mund të përfitojnë nga bashkëpunimi, në vend të konfliktit, ne do të krijojmë një imperativ për paqen dhe stabilitetin duke punuar së bashku”, deklaroi ministrja gjatë fjalës së saj.

Ministrja Xhaçka vlerësoi rolin e OSBE-së në zbatimin e agjendës së Grave, Paqes dhe Sigurisë, si një ndër prioritet kryesore të Shqipërisë në OKB, si dhe përgëzoi kryesinë suedeze për angazhimin e saj ndaj kësaj agjende./atsh

Lexo edhe

Video

error: