Vetëm 149 raste aktive me COVID-19 në Kosovë

Vetëm 149 raste aktive me COVID-19 në Kosovë

Rastet aktive me COVID-19 në Kosovë vazhdojnë të shënojnë rënie.

Në nivel vendi tashmë janë aktive vetëm 149 raste.

Ndërsa edhe rastet e reja muajt e fundit kanë shënuar rënie, duke mos kaluar numrat njëshifror.


“Nga 1.353 testime, 8 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 10 qytetarë, derisa numri i përgjithshëm i të shëruarve është 105.422. Në total numri i rasteve aktive është 149”, thuhet në njoftimin e fundit të MSh-së.

Ndërsa në 24 orët e fundit janë dhënë 5.438 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 250.658 doza të vaksinës.

Deri më sot 63.301 qytetarë janë vaksinuar me dozën e dytë.

Lexo edhe

Video