Policia e Kosovës sot rreth orës 18:00, ka marrë informatën për një person të lënduar, në fshatin Dumnicë të Podujevës dhe menjëherë në vendin e ngjarjes kanë dalë njësitet e nevojshme policore dhe ekipi mjekësor, të cilët kanë konstatuar vdekjen e viktimës.

 Zëdhënësja e Policisë së Kosovës për rajonin e Prishtinës, i ka thënë KosovaPress-it, se aktualisht zyrtarët policor, në koordinim me prokurorin e shtetit, janë duke punuar për të ndriçuar dhe sqaruar të gjitha rrethanat që kanë të bëjnë me këtë rast.