Vdes një 67 vjeçar me COVID19 në Shqipëri, 29 raste të reja

Vdes një 67 vjeçar me COVID19 në Shqipëri, 29 raste të reja

Ministria e Shëndetësisë në Shqipëri, ka njoftuar se ka ndërruar jetë një 67-vjeçar në spitalin Infektiv. Ndërkohë, sot janë identifikuar edhe 29 raste të reja me COVID19, duke shkuar kështu në 333 numri i të prekurve.

Sipas ministrisë, në 24 orët e fundit janë testuar 216 persona të dyshuar, prej të cilëve janë konfirmuar 29 raste të reja me COVID-19.

“Deri në këto momente janë testuar 2247 raste të dyshuara dhe prej tyre janë të konfirmuar pozitivë me COVID-19, 333 raste. Mosha mesatare e rasteve pozitive me COVID-19 është 50 vjeç. Ju informojmë se mëngjesin e sotëm ka ndërruar jetë në spitalin Infektiv një pacient 67 vjecar nga Tirana, i konfirmuar me COVID-19. Pacienti ishte i shtruar prej 13 ditësh në spitalin infektiv, prej 6 ditësh ishte i intubuar dhe në hemodializë që e kryente brenda spitalit Infektiv.  Pavarësisht përpjekjeve të stafit mjekësor, 67 vjecari ka ndërruar jetë. Ministria e Shëndetësisë dhe Mbrojtjes Sociale i shpreh ngushëllimet familjes të të ndjerit. Deri tani 18 persona kanë ndërruar jetë nga COVID-19 në Shqipëri. Lajmi i mirë është që gjatë 24 orëve të fundit kemi 10 pacientë të shëruar duke e çuar numrin e të shëruarve nga COVID-19 në 99. Ju informojmë se, në shërbimin infektiv aktualisht janë 66 të shtruar. 6 prej tyre janë në terapi intensive ndërsa një është i intubuar. Pjesa tjetër e të shtruarve në pavion janë në gjendje të stabilizuar deri në këto momente”, thuhet në komunikatë.

Ndërsa në spitalin COVID 2 “Shefqet Ndroqi”, janë 5 pacientë të shtruar, 2 prej të cilëve janë të intubuar.

 

“Në dy spitalet COVID aktualisht po marrin shërbim 71 pacientë. Harta e të prekurve nga COVID-19 zgjerohet në Tiranë, Durrës, Elbasan Has, Lushnje, Kavajë, Lezhë, dhe Shkodër”, thuhet në komunikatë.

Shpërndarja gjeografike e rasteve pozitive, është si vijon:

 

– Tiranë                                157 raste

– Durrës                               33 raste

– Lushnje                             5 raste

– Elbasan                             9 raste

– Fier                                    25 raste

– Kavajë                               8 raste


– Rrogozhinë                      4 raste

– Korçë                                 16 raste

– Vlorë                                  5 raste

– Shkodër                            31 raste

– Lezhë                                 14 raste

– Berat                                 1 rast

– Has                                     9 raste

– Krujë                                  5 raste

-Tropojë                              4 raste

– Pukë                                  4 raste

– Mirditë                                              3 raste

 

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.

Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40.

Lexo edhe

error: