Manchester United është ngjitur përsëri në top katërshen e Premier Ligës duke mposhtur Brentfordin në “Old Trafford”.
Goli i 15-të i sezonit i Marcus Rashford në Premier Ligë dhe i 28-ti në të gjitha garat për klubin e tij siguroi fitoren e madhe për “Djajtë e kuq”.
Ai e ktheu Unitedin mbi Tottenhamin në garën për t’u kualifikuar në Ligën e Kampionëve dhe ishte përgjigja që i duhej trajnerit Erik ten Hag pas humbjes të së dielës në Neëcastle.
Brentford, i cili është në kërkim të kualifikimit evropian, humbi vetëm për herë të dytë në 17 ndeshje në Premier Ligë, përcjellë KosovaPress.
Goli që pati vlerën e tri pikëve u realizua nga Rashford në minutën e 27’ pas asistimit nga Sabitzer.
United ka tani 53 pikë, aq sa edhe Neëcastle United në vendit të tretë dhe tri më shumë se Tottenham-i i vendit të pestë, i cili ka luajtur një ndeshje më shumë se rivalët e tyre.
Brentfordi qëndron në vendin e nëntë tre pikë prapa Brightonit të vendit të gjashtë, pasi ka luajtur dy ndeshje më shumë.
Rashford's GOAL vs Brentford #munbre #mufc #rashford pic.twitter.com/6L8weFu5yp
— JoshUTD🇿🇦 (@JoshUTD7) April 5, 2023
