Lajme   Biznes   Sport   Covid-19   Video   Kulturë   Magazina   Ngjarje

Ujëvara e Sotirës në Gramsh, destinacioni i fundjavës

Ujëvara e Sotirës në Gramsh, destinacioni i fundjavës

Ministri i Turizmit dhe Mjedisit, Blendi Klosi ka promovuar fshatin Sotirë të Gramshit, si një nga destinacionet turistike të verës 2020.

Ai shprehet se pranë këtij fshati ndodhet një prej ujëvarave më magjike në Shqipëri dhe mjafton vetëm një orë e gjysmë hiking mes gjelbërimit për të mbërritur dhe shijuar pamjet e mrekullueshme që ofron natyra.


“Në fshatin Sotirë në Gramsh, ndodhet një prej ujëvarave më magjike në Shqipëri. Mjafton vetëm një orë e gjysmë hiking mes gjelbërimit për ta arritur atë. Terreni është i përshtatshëm për ecje dhe rruga është aq e freskët e plot burime ujore, sa nuk do të ndihet lodhja. Planifikoni një piknik në lëndinën buzë ujëvarës së Sotirës mes natyrës së paprekur nga dora e njeriut dhe zhurmës karakteristike të ujit”, shprehet ministri Klosi duke ftuar që ta vizitojnë.

Kjo ujëvarë, e cilësuar edhe si “Niagara” e Shqipërisë e ka marrë emrin Sotirë nga fshati ku edhe ndodhet ujëvara. Ujëvara ka një lartësi rreth 100 metra dhe buron nga mali i Tomorit.

Ka një bukuri mahnitëse që tërheq shumë vizitorë nga Shqipëria, por edhe turistë të huaj turistë që janë të apasionuar pas natyrës./ATSh/

Video

error: