UEFA me ligj të ri, probleme për skuadrat që dëshirojnë të transferojnë yje të futbollit

UEFA me ligj të ri, probleme për skuadrat që dëshirojnë të transferojnë yje të futbollit

Organi qeverisës më i lartë evropianë, UEFA, raportohet se do të ndërrojë ligjin që e lejon një shumë të caktuar të shpenzimeve nga klubet me një sistem të ri që lejon ekipet të shpenzojnë vetëm 70% të ardhurave të tyre.

Po ashtu, gazetari Tariq Panja raporton se ato skuadra të cilat nuk e përfillin këtë ligj, duke kaluar limitin e lejuar do të rezultojë me heqje pikësh ose largim nga Liga e Kampionëve, përcjell KosovaPress.


Kjo gjë nënkupton që skuadrat me pronarë të pasur si Newcastle United, Paris Saint-Germain, Manchester City e shumë të tjera do të kenë probleme që të transferojnë disa yje në skuadrat e tyre.

Ndërkaq, klubet do të kenë një periudhë adaptimi prej tre vitesh para se të përgatiten për rregullat e reja.

Pjesëtarët e Bordit Ekzekutiv të UEFA-s do të votojnë për rregullat e reja më 7 prill.

Lexo edhe

Video