U miratuan rekomandime të reja për udhëtime brenda BE-së

U miratuan rekomandime të reja për udhëtime brenda BE-së

Anëtarët e BE-së ranë dakord sot për një qasje të koordinuar që do të lehtësojë lëvizjen e sigurt dhe të lirë brenda BE-së gjatë pandemisë COVID-19 dhe rekomandimet e reja do të hyjnë në fuqi më 1 shkurt.

Ministrat e BE-së ranë dakord që masat kundër përhapjes së infeksionit duhet të zbatohen duke marrë parasysh gjendjen shëndetësore të individit dhe jo situatën epidemiologjike në rajonin nga vjen.

Përjashtim bëjnë zonat “e kuqe e errët”, ku niveli i qarkullimit të virusit është i lartë.

Kjo do të thotë se përcaktues kyç për udhëtimin do të jetë certifikata digjitale COVID e pasagjerit, pra konfirmimi se ai është vaksinuar, se ka test negativ ose se ka marrë sëmundjen.


Pasagjerët që kanë një certifikatë digjitale COVID nuk duhet të ekspozohen ndaj kufizimeve shtesë për lëvizjen e lirë.

“Kjo do të thjeshtojë ndjeshëm rregullat që zbatohen dhe do t’u sigurojë pasagjerëve qartësi dhe parashikueshmëri shtesë,” tha Këshilli i BE-së në një deklaratë.

Komisionarja e Shëndetësisë, Stella Kyriakides dhe komisionari i Drejtësisë, Didier Reynders, u bënë thirrje anëtarëve që të zbatojnë rregulla të përbashkëta, duke theksuar qartësinë dhe parashikueshmërinë për qytetarët e BE-së, janë çelësi i udhëtimit të sigurt.

“Koordinimi i ngushtë në nivel të BE-së ka qenë thelbësor, jo vetëm për funksionimin e tregut të vetëm, por veçanërisht për të garantuar qartësi dhe siguri për njerëzit që udhëtojnë brenda BE-së”, thuhet në deklaratën e përbashkët.

Lexo edhe

Video

1 Koment

  • […] Mbi 19 mijë raste aktive me COVID-19 në KosovëDy raste të vdekjes dhe 2707 raste pozitive me COVID-19ShSKUK: 158 pacientë në trajtim nga Covid-19​Shqiptohen 539 gjoba për qytetarët që nuk i respektuan masat antiCOVID-19MSh: Qytetarët e Kosovës në hyrjet kufitare nuk ka nevojë t’i kenë tri doza të vaksinësShtetasit e Shqipërisë të zhgënjyer me masat e qeverisë për hyrje në KosovëKryetari i Bujanovcit i kërkon Kurtit të rishikohen masat për hyrje-dalje në KosovëSinani: Masat e reja anti-COVID të Kosovës kufizojnë lirinë e lëvizjes, të rishikohen nga QeveriaMos mendoni se COVID po arrin “fundin e lojës”, paralajmëron OBSHU miratuan rekomandime të reja për udhëtime brenda BE-së […]

Komentet janë të mbyllura.