Në margjina të Asamblesë së Përgjithshme të OKB-së në Nju Jork, shefja e diplomacisë kosovare Donika Gërvalla është takuar sot me homologun e saj nga Bahama, Frederick Audley Mitchell, me të cilin diskutoi mbi thellimin e bashkëpunimit ndërmjet dy shteteve në fusha me interes të përbashkët.

Gjatë takimit, ministrja Gërvalla theksoi përkushtimin e Kosovës për paqe dhe stabilitet në rajon, duke shprehur gatishmërinë për të forcuar marrëdhëniet në fushat me interes të përbashkët. Ajo falënderoi homologun e saj për përkrahjen për anëtarësimin e Kosovës në organizata ndërkombëtare.

Të dy ministrat në takim u dakorduan për intensifikimin e bashkëpunimit dhe partneritetit në fusha të reja ndërmjet dy shteteve.