Thaçi: Roli i NATO-s është i njohur më mirë se kudo tjetër te populli i Kosovës

Thaçi: Roli i NATO-s është i njohur më mirë se kudo tjetër te populli i Kosovës

Presidenti Hashim Thaçi ka rikujtuar 71-vjetorin e hyrjes në fuqi të fuqi të Traktatit të Atlantikut Verior, baza legale e themelimit të NATO-s.

Me këtë rast Thaçi ka thënë se roli i NATO-s dhe domethënia e saj për ruajtjen e paqes, stabilitetit dhe dinjitetit njerëzor është i njohur më mirë se kudo tjetër te populli i Kosovës.

I pari  i vendit ka thënë se Kosova është e përkushtuar në rrugën e saj euroatlantike, për paqe dhe fqinjësi të mirë me të gjitha vendet e Ballkanit Perëndimor.

Ky është postimi i tij i plotë në FCB:

71 vjet me parë ka hyrë në fuqi Traktati i Atlantikut Verior, baza legale e themelimit të NATO-s. Që nga ajo periudhë, NATO-ja ka shërbyer për ruajtjen e paqes, demokracisë dhe sigurisë së botës perëndimore e demokratike.

Roli i NATO-s dhe domethënia e saj për ruajtjen e paqes, stabilitetit dhe dinjitetit njerëzor është i njohur më mirë se kudo tjetër te populli i Kosovës.


Falë bashkëpunimit dhe ndërhyrjes ushtarake të NATO-s në vitin 1999, i është dhënë fund dhunës sistematike ndaj popullit shqiptar nga ana e regjimit të Millosheviçit.

Jemi mirënjohës ndaj vendeve anëtare të NATO-s, të prira nga Shtetet e Bashkuara të Amerikës për rolin dhe kontributin e tyre historik për lirinë dhe rrethanat e reja që kanë krijuar për popullin tonë.

Aspirata jonë e përhershme drejt NATO-s vazhdon të na drejtojë edhe sot dhe jemi duke u angazhuar maksimalisht që, sa më parë, Republika e Kosovës të bëhet pjesë e saj.

Arritja e një marrëveshjeje për njohje reciproke ndërmjet Kosovës dhe Serbisë është një hap i nevojshëm që përshpejton agjendën tonë integruese në NATO dhe OKB.

Kosova është e përkushtuar në rrugën e saj euroatlantike, për paqe dhe fqinjësi të mirë me të gjitha vendet e Ballkanit Perëndimor. HTH

 

Lexo edhe

error: