Sonte në Prizren, afër lagjes së spitalit ka pasur të shtëna me armë zjarri. Pesë persona janë përleshur për shkak të një mosmarrëveshje, një person ka pësuar lëndime në këmbë.

Lajmin për KosovaPress e konfirmoi zëdhënësi i policisë rajonale në Prizren, Shaqir Bytyqi, i cili tha se në vendin e ngjarjes është gjetur një gëzhojë dhe të dyshuarit janë arrestuar.

“Me datë 08.11.2024 rreth orës 17:10, afër lagjes së spitalit ka pasur një gjuajtje me armë zjarri. Një person ka pësuar lëndime në këmbë.  Të përfshirë në përleshje kanë qenë pesë persona (dy palë), deri te gjuajtja ka ardhë pas një mosmarrëveshje në mes të palëve.”, tha Bytyqi për KosovaPress.

Ai shtoi se një gëzhojë është gjetur në vendngjarje dhe të dyshuarit janë arrestuar, kurse disa persona janë duke u intervistuar.