Një grup i të mbijetuarve nga kanceri i gjirit nisën Javën e Modës në Milano me një paradë në pasarelë në Universitetin Bocconi, duke buzëqeshur teksa shfaqnin plagët e tyre.
20 femrat e të gjitha moshave morën pjesë në aktivitetin e sponsorizuar nga Dhoma Kombëtare e Modës Italiane.
Ngjarja është ideja e organizatës amerikane jofitimprurëse Cancer Culture, raporton ANSA.
Grupi i modeleve përfshinte një grua që vendosi të mos bënte operacion për rikthimin e gjoksit dhe një tjetër e cila mbuloi efektet e kimioterapisë me një kapele, por tha se donte të merrte pjesë “për të treguar se mund të jetoni një mënyrë jetese dinjitoze dhe madje edhe të argëtoheni”.
