Szunyog: Kosova ka përmbushur kriteret për liberalizim të vizave, por të punohet ende për të arritur qëllimin

Shefi i zyrës së Bashkimit Evropian, ambasadori Tomáš Szunyog, ka kërkuar të punohet për bindur Këshillin e BE-së për liberalizimin e vizave, megjithëse thotë se Kosova ka përmbushur gjitha kriteret për largimin e regjimit të vizave.

Ai para krerëve institucional, në foltoren e Kuvendit ka kërkuar të zbatimin e gjitha marrëveshjeve në kuadër të dialogut Kosovë-Serbi.

“E dimë sa i rëndësishëm është liberalizimi i vizave për qytetarët e Kosovës. Zonja Von Der Leyen ka qenë e qartë në këtë pikë, Komisioni i qëndron prapa vendimit të korrikut të vitit 2018 që Kosova i ka përmbushur të gjitha kriteret për liberalizim. Propozimi është mbështetur edhe nga Parlamenti Evropian në lexim të parë, por është në shqyrtim në Këshill. Unë llogaris në mbështetjen e anëtarëve të Parlamentit Evropian dhe të deputetëve që janë këtu sot që të vazhdojnë të punojnë me Parlamentin Evropian për ta arritur këtë qëllim. Kuvendi ka rol të rëndësishëm që duhet ta luajë në zbatimin e reformave dhe priorietizimin e reformave në sundim të ligjit”, ka thënë ai në takimin e shtatë të Komisionit Parlamentar për Stabilizim-Asociim BE – Kosovë.


Sipas tij, është e rëndësishme që të punohet në mënyrë konstruktive në dialogun me Serbinë, pasi sipas tij është e rëndësishme që të arrihet një marrëveshje ligjërisht obliguese mes Kosovës dhe Serbisë.

“Rëndësia që të punoni në mënyrë konstruktive dhe të përmbaheni nga retorika, duhet t’i zbatoni të gjitha marrëveshjet që i keni arritur dhe nënshkruar të kallurën. Po ashtu duhet të arrihet një marrëveshje ligjërisht obliguese mes Kosovës dhe Serbisë. Pasi vetëm në këtë mënyrë Kosova mund të ecë përpara drejtë integrimit evropian”, shtoi ai.

Duke folur për zbatimin e MSA-së, ambasadori Szunyog, tha sa më shumë që Kosova zbaton reformat aq më afër do të jetë standardeve të BE-së.

“Sa më shumë që zbaton MSA-në, Kosova aq më afër do të jetë me standardet e BE-së dhe do të ketë më shumë mundësi për investime. Takimi i ditës sotme dhe raporti i fundit për Kosovën ofron një mundësi të mirë për punën që është bërë në kuadër të kësaj marrëveshje në rajon”, theksoi Szunyog.

Lexo edhe

Video

1 Koment

Komentet janë të mbyllura.