Syla: Si pasojë e masave anti-Covid, gjendja e invalidëve të UÇK-së po rëndohet

Syla: Si pasojë e masave anti-Covid, gjendja e invalidëve të UÇK-së po rëndohet

Deputeti i Kuvendit nga radhët e Aleancës për Ardhmërinë e Kosovës (AAK), Gazmend Syla ka thënë se invalidët e UÇK-së po privohen nga Komisioni i Rivlerësimit të shkallës ivalidore për shkak të IKShPK-së.

Sipas Sylës, Zyra e komisionit i plotëson kushtet për punë.

“Invalidët e UÇK-së po privohen nga Komisioni i Rivlerësimit të shkallës invalidore, për shkak të IKShPK-së së Naser Ramadanit. Zyra e komisionit në fakt është mjaft e madhe dhe plotëson kushtet për punë pa rrezik”, ka shkruar Syla në llogarinë e tij në Facebook.


Ai ka thënë se rekomandimet e kanë rënduar gjendjen e invalidëve të UÇK-së dhe qytetarëve.

“Përderisa vazhdohet me këso rekomandime, gjendja e invalidëve dhe e qytetarëve vetëm rëndohet. Apeloj që të rivlerësohen masat; të lejohet mbajtja e komisioneve të rivlerësimit invalidor; të hapen tregjet e automjeteve dhe kafshëve”, ka shkruar Syla.

Sipas tij, qytetarët do të kujdesen për shëndetin e tyre, por kanë nevojë për punë.

“Populli është vetëdijesuar, do kujdesen vet për shëndetin dhe do zbatojnë rregullat, por ata kanë nevojë për punë, për ekzistencë”, ka përfunduar Syla.

Lexo edhe

Video

error: