Superliga e Kosovës, derbi mes Ballkanit dhe Dritës

Superliga e Kosovës, derbi mes Ballkanit dhe Dritës

Superliga e Kosovës rikthehet sot me një program ndeshjesh tejet interesante, të vlefshme këto për xhiron e 13 të sezonit të ri 2021/22.

Kryendeshja e këtij programi do të zhvillohet në stadiumin “Suva Reka”, ku skuadra e Ballkanit e pret në shtëpi Dritën, përcjell KosovaPress.

Po ashtu, krahas kësaj ndeshje do të zhvillohet edhe takimi interesant në stadiumin “Liman Gegaj” ku skuadra në formë Llapi do të jetë mysafirë i Malishevës, ku kjo e fundit nuk di për fitore në pesë ndeshje.

Pas 12 xhirove të zhvilluara, tabelën e kryeson skuadra e Dritës me gjithsej 22 pikë, një më shumë se Ballkani dhe Gjilani që zënë pozitat dy dhe tre, kurse Top 4 e mbyll Drenica në kuotën e 20 pikëve.


Në anën tjetër, Malisheva me 12 pikë, Dukagjini me 11 sosh dhe Feronikeli me 10 pikë pozicionohen në tre pozitat e fundit në tabelë.

Programin e plotë të ndeshjeve të sotme në Superligën e Kosovës e gjeni më poshtë.

13:00 Drenica – KF Ulpiana (Stadiumi Bajram Aliu)

13:00 Ballkani – Drita (Stadiumi Suva Reka)

13:00 Malisheva – Llapi (Stadiumi Liman Gegaj)

Lexo edhe

Video