“Strukturat paralele të Serbisë marrin paga pa shkuar në punë, Qeveria pagoi mbi 7 milionë euro”

“Strukturat paralele të Serbisë marrin paga pa shkuar në punë, Qeveria pagoi mbi 7 milionë euro”

Deputeti i Lëvizjes Vetëvendosje, Eman Rrahmani ka deklaruar se nga viti 2015 e deri më sot strukturat paralele të Serbisë nga buxheti i Kosovës janë paguar me mbi 7 milionë euro .

Rrahmani në seancën e Kuvendit të Kosovës, ku po shqyrtohet raporti  vjetor i Auditimit për vitin 2019, ka theksuar se në bazë të raportit, pagesa e këtyre pjesëtarëve po vazhdon edhe në Qeverinë Hoti.


“Në marrëveshjen e Brukselit të vitit 2015 dhe deri më sot nga buxheti i Kosovës janë paguar mbi 7 milionë euro strukturat paralele të Serbisë. Vetëm në vitin 2018-2019, në kohën e  ,pra janë paguar mbi 271 pjesëtarë të strukturave paralele pa shkuar asnjëherë në punë, e këta po vazhdojnë të paguhen ende nga kjo qeveri, pra po financohen nga kjo qeveri strukturat paralele ku atyre i shkohet paga mujore çdo muaj pa shkuar asnjë ditë në punë. Edhe pse kjo është e gjetur në të gjitha raportet e auditimit, asnjë hap nuk është ndërmarrë as nga kryeministri, as edhe ministrat të cilët i shpërndajnë këto para të taksapaguesve, kryesisht shqiptarë“, tha ai.

Ai tha se në komunat Zveçan, Zubim Potok dhe Leposaviq, nuk është zbatuar ligji për mbledhjen e të hyrave siç janë tatimi mbi pronë, lejet e ndërtimit, shërbimet publike, shfrytëzimi i pronës publike, duke shkelur ligjin thuajse nuk janë qytetarë të Republikës së Kosovës.

Lexo edhe

Video

1 Koment

Komentet janë të mbyllura.