Sllovenia miraton pakon e re për zbutjen e krizës COVID-19

Sllovenia miraton pakon e re për zbutjen e krizës COVID-19

Parlamenti slloven miratoi sot, pas disa orësh debati, një paketë ligjore për zbutjen e pasojave të krizës së shkaktuar nga pandemia e koronavirusit, pesha financiare e së cilës llogaritet 240 milionë euro.

Kjo është paketa e 10 e ndihmës që nga shpërthimi i epidemisë COVID-19.

Ndër stimujt e planifikuar janë një shtesë një herë për pensionistët dhe të moshuarit, shtesa në pagat e punonjësve të kujdesit shëndetësor, përfitime një herë për të sapolindurit, si dhe shpërblime për anëtarët e mbrojtjes civile dhe studentë vullnetarë që morën pjesë në masat për të luftuar epidemi.


Paketa ligjore e ndërhyrjes përfshin disa masa për të ndihmuar ekonominë nëpërmjet Fondit të Sipërmarrjes, rimbursimin e pjesshëm të kostove për blerjen e testeve për vetëtestim të punonjësve në kompani, si dhe zgjat vlefshmërinë e kuponëve turistikë dhe hotelerie falas të lëshuara tashmë, të cilat mund të përdoren deri në mesin e vitit 2022.

Për një paketë të tillë ligjore të propozuar nga Qeveria, votuan 46 deputetë, kryesisht nga koalicioni qeverisës, ndërsa 42 ishin kundër.

Në debat, opozita pretendoi se masat ishin të çekuilibruara dhe se ishte një lloj bonusi financiar jo sistematik për grupe të caktuara, për të tërhequr votuesit përpara zgjedhjeve parlamentare të planifikuara në fund të prillit 2022.

Sipas agjencisë së lajmeve kroate Hina, disa qindra persona kanë protestuar kundër masave të qeverisë dhe konfirmimit të detyrueshëm gjatë debatit për paketën ligjore para ndërtesës së Kuvendit.

Lexo edhe

Video