Pasi çmimet e ushqimeve u rritën më 2021 dhe 2022, më shumë se pesë artikuj ushqimorë kryesorë shënuan rënie të çmimeve në vitin 2024, duke përfshirë qumështin dhe drithërat.

Në vitin 2024, çmimet e produkteve bujqësore në Bashkimin Evropian shënuan një rënie modeste dy për qind krahasuar me 2023.

Pavarësisht rritjes së çmimeve të vajit të ullirit, çmimet e drithërave ranë 15 për qind, vezët 8 për qind, dhe perimet dhe produktet e kopshtarisë 2 për qind. Çmimi i mishit të derrit ra 7 për qind dhe i shpendëve 8 për qind.

Sipas Eurostat, në vitin 2024, çmimet e qumështit ranë në 16 vende të BE-së. Finlanda shënoi rënien më të madhe me 12 për qind, pasuar nga Portugalia 10 për qind  dhe Spanja 8 për qind. Sipas të dhënave, çmimi i qumështit në Kroaci ka rënë 3.86 për qind.

Në të kundërt, rritja më e lartë e çmimeve u shënua në Irlandë 15 për qind, pasuar nga Lituania 11 për qind dhe Letonia 10 për qind.

Sa i përket prodhimit, çmimi i farërave dhe shërbimeve veterinare u rrit 3 për qind. Megjithatë, çmimet e plehrave dhe përmirësuesve të tokës ranë 18 për qind, ushqimi i kafshëve 11 për qind dhe produktet për mbrojtjen e bimëve dhe pesticidet 2 për qind.