“Shqipëri, dashuri pa kufi”, vjen reagimi nga Daku: Ndjesë nëse kam fyer dikë
Sulmuesi i Kombëtares së Shqipërisë, Mirlind Daku ka reaguar pasi sjellja e tij u dënua nga Federata e Futbollit të Maqedonisë së Veriut.
Pas ndeshjes me Kroacinë, Daku bëri thirrje “vrisni maqedonët” drejt tifozëve, gjë kjo e cila përhapi reagime të shumta, raporton KosovaPress.
Tani, vetë Daku ka reaguar për këtë gjë, duke kërkuar falje për të gjithë ata që janë lënduar nga thirrjet e tij, ndërsa fajin ua la emocioneve të tij.
“Së pari dua të jem falënderues ndaj të gjithë atyre që na kanë përkrahur në momentet e mira dhe të vështira në Euro 2024. Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashuri pa kufi, ashtu siç është dhe moto jonë, ‘Shqipëri, dashni pa kufi’. Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona. Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar”, shkroi Daku në “Facebook”.
