Shkencëtarët belgë kërkojnë vullnetarë për të “dëgjuar” yjet

Shkencëtarët belgë kërkojnë vullnetarë për të “dëgjuar” yjet

Shkencëtarët belgë janë në kërkim të vullnetarëve që do të “dëgjojnë” yjet dhe do të ndihmojnë në zbulimin dhe kategorizimin e tyre.

Faqja e internetit, e krijuar nga astronomët në Universitetin e Leuven në Belgjikë për një projekt të quajtur “AstroSounds”, thekson se astronomia nuk përbëhet vetëm nga vëzhgimet, por edhe se yjet, si instrumentet muzikore, mund të krijojnë tinguj me vibrime.

Është thënë se do të kryhen eksperimente nëse veshi i njeriut mund të dallojë tingujt e prodhuar nga yjet.


Catherine Kohlenberg, një shkencëtare në Universitetin e Leuven, tha se yjet mund të dridhen ose rezonojnë si kambana gjigante, dhe megjithëse veshi i njeriut nuk mund t’i dëgjojë drejtpërdrejt, kjo mund të shihet në ndryshimin e dritës që vjen nga yjet, e cila më vonë mund të shndërrohet në tingull.

Kohlenberg shtoi se në këtë mënyrë, mund të jetë e mundur të njihen yjet. Ajo iu referua edhe mënyrës sesi do të dëgjohen yjet në kuadër të atij projekti.

“Dhe yjet, si dielli, janë topa gjigantë gazi. Ato kanë karakteristika të veçanta që prodhojnë tinguj të veçantë. Duke u mundësuar më shumë njerëzve të dëgjojnë lloje të ndryshme yjesh, ne mund të zbulojmë se sa i fuqishëm është veshi i njeriut për analizimin e të dhënave”, tha Kohlenberg.

Lexo edhe

Video