Shitjet me pakicë në Eurozonë u rritën për të tretin muaj radhazi në shtator, sipas të dhënave të publikuara të enjten.

Vëllimi i tregtisë me pakicë u rrit 0.5% nga muaji në muaj në eurozonë, duke u ngadalësuar nga rritja prej 1.1% e gushtit, treguan të dhënat e Eurostat.

Vëllimet e shitjeve ranë me 0.4% për ushqimet, pijet dhe duhanin dhe u rritën me 0.2% për karburantet e automobilave.

Në bazë vjetore, shitjet me pakicë në eurozonë u rritën me 2.9% në shtator.

Eurozona/zona euro, ose EA19, përfaqëson shtetet anëtare që përdorin monedhën e përbashkët të bllokut, euron, ndërsa BE27 përfshin të gjitha vendet anëtare të saj.

Për BE-në, shitjet me pakicë u rritën me 0.3% në bazë mujore në shtator dhe 2.8% nga viti në vit.

Rritjet më të mëdha mujore në vëllimin total të tregtisë me pakicë u panë në Belgjikë, Danimarkë dhe Kroaci (të gjitha me 2.1%), Gjermani (1.2%), Austri dhe Sllovaki (të dyja 1.1%).

Nga ana tjetër, Sllovenia (2.6%), Polonia (2.0%) dhe Finlanda (1.6%) shënuan rëniet më të mëdha mujore./AA/