SHBA po shqyrton furnizimin e Ukrainës me sisteme raketore GLSBD

SHBA po shqyrton furnizimin e Ukrainës me sisteme raketore GLSBD

Pentagoni po shqyrton propozimin e Boeing për të furnizuar Ukrainën me sisteme raketore të drejtuara me precizitet me kosto të ulët (GLSDB), të cilat do t’i lejojnë Kievit të sulmojë trupat ruse shumë prapa vijave të betejës, mes përpjekjeve të vendeve perëndimore për të përmbushur nevojën e Ukrainës për armë të reja.

GLSDB mund të dorëzohet në pranverën e vitit 2023, sipas mediave botërore. Ky sistem kombinon dy komponentë – bombën me diametër të vogël GBU-39 me raketën M26. Të dy komponentët janë të lirë dhe SHBA-ja i ka në sasi të mëdha.


“Është e rëndësishme të marrësh një sasi të madhe armësh me çmime të përballueshme,” tha Tom Karako, një ekspert armësh dhe sigurie në Qendrën për Studime Strategjike dhe Ndërkombëtare.

Zëdhënësi i Pentagonit, Toger Tim Gorman nuk pranoi të japë informacion specifik në lidhje me armët që Pentagoni planifikon t’i dorëzojë Ukrainës, por tha se SHBA dhe aleatët e saj kanë “identifikuar dhe konsideruar sistemet më të përshtatshme” për të ndihmuar Kievin.

Lexo edhe

Video