SHBA zgjeroi sanksionet ndaj Iranit në përgjigje të sulmit ndaj Izraelit më 1 tetor, njoftoi sot Departamenti i Thesarit.

“Ky veprim intensifikon presionin financiar mbi Iranin, duke kufizuar aftësinë e regjimit për të fituar të ardhura kritike nga energjia për të minuar stabilitetin në rajon dhe për të sulmuar partnerët dhe aleatët e SHBA-së”, thuhet në deklaratë.

Departamenti i Thesarit thotë se zgjerimi i sanksioneve synon sektorët kryesorë të ekonomisë së Iranit për të mohuar burimet financiare të qeverisë iraniane që mund të përdoren për të financuar dhe mbështetur programin e saj bërthamor.

Thesari sanksionoi 10 entitete dhe identifikoi 17 anije si pronë të bllokuar për përfshirjen e tyre në dërgesat e naftës dhe produkteve petrokimike iraniane, si dhe ndaj gjashtë subjekteve të angazhuara në tregtinë iraniane të naftës dhe duke identifikuar gjashtë anije si pronë të bllokuar.

"Këto masa do të përforcohen nga koordinimi i vazhdueshëm i ngushtë me partnerët dhe aleatët për të adresuar dhe kundërshtuar veprimet e Iranit," tha sekretari i Shtetit Antony Blinken.

Irani lëshoi ​​të paktën 180 raketa balistike mbi Izraelin më 1 tetor si hakmarrje për vrasjen e liderit politik të Hamasit, Ismail Haniyeh dhe liderit të Hezbollahut, Hassan Nasrallah. /AA