Selimi-Ahmeti dakordohen rreth legjislacionit sekondar për policinë e kryeqytetit

Selimi-Ahmeti dakordohen rreth legjislacionit sekondar për policinë e kryeqytetit

Ministri i Drejtësisë Selim Selimi ka takuar sot kryetarin e Komunës së Prishtinës, Shpend Ahmeti, me të cilin ka diskutuar ndër tjerash, edhe për formimin e policisë së kryeqytetit, e cila do të ndikojë në rritjen e efektivitetit në mbrojtjen e qytetarëve.

Selimi pas takimit tha se janë në përfundim të Ligjit për Gjykatën Komerciale, i cili do të jetë gati më së largu deri në fillim të tetorit.

I pari i Drejtësisë i ka ofruar të gjitha kapacitet për implementim të ligjit të Prishtinës dhe legjislacionit sekondar që lidhet me krijimin e policisë së kryeqytetit, gjë të cilën e parasheh edhe vetë ligji.


Ndërsa, kryetari Ahmeti tha se kanë diskutuar edhe për ndryshimet në Kodin Civil dhe atë të Procedurës Penale, e të cilat do kenë ndikim në punën e komunës që ai drejton. Ai tha se me këtë tast po shikojnë mundësitë e një udhëzimi administrativ, i cili do t’i hapte rrugë krijimit të policisë së Prishtinës.

 

Lexo edhe

Video