Jadon Sancho e ka çaktivizuar llogarinë e tij në “Instagram”, për shkak të zënkës me Erik ten Hag, gjë kjo që e ka përjashtuar yllin anglez nga të gjitha ambientet e klubit.
Sanchos momentalisht i është ndaluar hyrja në secilin prej ambienteve të skuadrës së parë të United në qendrën stërvitore Carrington, raporton KosovaPress.
Siç bëhet e ditur nga “Daily Mirror”, Sancho aktualisht është duke u stërvitur si dhe duke ngrënë me lojtarët e akademisë së United.
Ten Hag thuhet se e ka bërë të qartë se Sancho duhet të kërkojë falje për komentin se ai po përdoret si arsyeje e rezultateve negative në postimin e tij tashmë të fshirë në “Instagram”, pasi trajneri holandez pretendoi se paraqitjet e tij në stërvitje nuk ishin të duhura.
Mes mosmarrëveshjes me trajnerin e tij, Sancho tani ka çaktivizuar llogarinë e tij në “Instagram”.
Jadon Sancho has now deactivated his Instagram account. 📱⛔️ #MUFC pic.twitter.com/HDG899JxUc
— Fabrizio Romano (@FabrizioRomano) September 26, 2023
