Rushiti: Shkarkimi i nëpunësve civilë pa ndonjë arsye është i paligjshëm

Rushiti: Shkarkimi i nëpunësve civilë pa ndonjë arsye është i paligjshëm

Qeveria ka obligim që të risistemojë të gjithë nëpunësit civilë tepricë, të cilët pas bashkimit të disa dikastereve nuk janë përcaktuar ende se në cilën ministri do të punojnë. Asnjërit nga ta nuk duhet t’iu shkëputet kontrata, një gjë e tillë është edhe e paligjshme.

Kështu u tha të hënën në tryezën e diskutimit lidhur me “Dyfishimin e pozitave të nëpunësve civilë si rezultat i ristrukturimit të qeverisë nga 21 në 15 ministri”, organizuar nga “Demokracia Plus”.

Visar Rushiti nga kjo organizatë tha se të gjithë shërbyesit civilë duhet të risistemohen në ndonjë dikaster, në të kundërtën largimi i tyre nga puna, do të jetë i paligjshëm.

Në këtë aspekt, Rushiti tha se Ligji për Zyrtarët Publik nuk e lë si mundësi shkëputjen e marrëdhënies së punës për nëpunësit civilë deri në ri-sistemimin në një dikaster të caktuar.


Qeveria sipas tij në këtë situatë nuk duhet të veprojë, sepse sipas tij mund të kthehet në fuqi Ligji për Zyrtarët Publik.

Ndër të tjera, Rushiti nga D+ tha se do të ishte tjetër situatë atëherë kur nëpunësit civilë kanë aktakuza, apo kanë bërë ndonjë shkelje do të kishte kuptim pezullimi i tyre. Mirëpo pa ndonjë arsyeje shkëputja e kontratës, sipas Rushitit, është e paligjshme.

Krahas kësaj, Valon Ramadani, anëtar i Komisionit për Qeverisje Lokale, Administratë Publike, Zhvillim Rajonal ka theksuar nevojën e rritjes së numrit të inspektorëve. Për çka sipas tij një gjë e tillë ka qenë edhe premtim i secilës qeveri, e që gjithmonë është ulur numri i tyre. Qeveria aktuale kishte premtuar se numri i inspektorëve do të jetë 400.

Në këtë tryezë diskutimi, Naim Shala nga Ministria e Punëve të Brendshme ka ngritur shqetësimin edhe në emërtimin e këtyre ministrive. Sipas tij, ka qenë i panevojshëm të ndryshojë emërtimi, pasi disa dikastere janë bërë bashkë.

Lexo edhe

Video

error: