Rrëzohet aeroplani rus që shuante zjarret në Turqi

Rrëzohet aeroplani rus që shuante zjarret në Turqi

Një aeroplan zjarrfikës rus u rrëzua në provincën jugore Kahramanmarash, ku tetë personat në bord humbën jetën.

Kontakti u humb me aeroplanin i cili ishte angazhuar nga Rusia për të ndihmuar në përpjekjet e Turqisë për të kontrolluar një zjarr pyjor në Kahramanmarash, tha guvernatori Omer Faruk Çoshkun për Anadolu Agency.

Një numër i madh i ekipeve të kërkimit dhe shpëtimit u dërguan në rajon, shtoi Çoshkun.

Shkaku i rrëzimit mbetet i panjohur. Nga ana tjetër, në një deklaratë, Ministria ruse e Mbrojtjes konfirmoi se avioni rus amfib Be-200 u rrëzua gjatë uljes pranë provincës Adana të Turqisë, pas një misioni zjarrfikës.


Të pesë ushtarakët rusë dhe tre turq në bordin e aeroplanit humbën jetën si pasojë e aksidentit, thuhet në deklarata.

Një komision i posaçëm i Ministrisë ruse të Mbrojtjes si dhe punonjësit e Ambasadës së Rusisë në Turqi do të arrijnë në vend për hetime, njoftohet më tej.

Avioni u dërgua në Turqi më 8 korrik për të ndihmuar Turqinë në luftimin e zjarreve.

Be-200 është aeroplani më i madh amfib në botë i krijuar posaçërisht për të luftuar zjarret, përfshirë në zona të largëta. Ai mund të mbajë 12 tonë ujë./tch

Lexo edhe

Video