Rreth 3.000 euro të falsifikuara janë konfiskuar nga Policia e Kosovës në Gjilan, me ç’rast është arrestuar edhe një person si i dyshuar.
Lajmin e bëri të ditur ministri i Brendshëm, Xhelal Sveçla, i cili ka shkruar në Facebook se në vazhdën e aktiviteteve të Njësitit kundër krimeve ekonomike, sot ka vazhduar aksioni në Gjilan në kuadër të luftimit të parave të falsifikuara, konkretisht vënies në qarkullim të parave të falsifikuara.
