Sipas “Il Corriere dello Sport”, Roma është gati për një raund të ri bisedimesh me agjentin e Federico Chiesa, Fali Ramadani.
Chiesa pritet të largohet nga Juventusi në afatin kalimtar të verës pasi ai nuk ka arritur ende një marrëveshje për të zgjatur qëndrimin e tij përtej qershorit të vitit 2025, raporton KosovaPress.
Nga ana tjetër, shefi i Romës, Daniele De Rossi është një admirues i madh i Chiesas dhe sipas “Il Corriere dello Sport”, drejtori i ri i Romës, Florent Ghisolfi së shpejti do të takohet sërish me agjentin e anësorit për të vazhduar bisedimet për transferim.
Takimi i parë mes dy palëve ka ndodhur tashmë në qershor, por Ghisolfi do të përditësohet për situatën e transferimit të Chiesas pas Kampionatit Evropian, i cili me siguri nuk e lejoi Juventusin të rriste vlerën e transferimit të anësorit.
Chiesa thuhet se është i intriguar nga projekti i Romës së De Rossit, plus partnerja e tij Lucia Bramani do të preferonte të transferohej në Romë sesa në çdo qytet tjetër jashtë vendit.
