Ramadani: NATO e Kosova duhet të kenë aranzhime të reja operacionale
Lajme
Lexohet për: 2 min.
3 muaj më parë
Linku u kopjua
Institucionet e Kosovës e kanë për detyrë dhe obligim që të mos ta lejojnë përsëritjen e rastit terrorist të 24 shtatorit në Banjska. Ish-kryeinspektori i AKI-së, Burim Ramadani, thotë se NATO dhe Kosova duhet të kenë aranzhime të reja operacionale në aspektin politik dhe strategjik.
Ramadani për KosovaPress thotë se situata e sigurisë në Kosovë është stabile, por paqëndrueshmëria e saj është e dukshme. Ai u bënë thirrje qytetarëve të rrisin bashkëpunimin me institucionet shtetërore, në mënyrë që të shmangen incidentet e mundshme në të ardhmen.
Në një konferencë për media, kryetarja e komisionit për mbikëqyrjen e AKI-së, Ganimete Musliu ka deklaruar se grupi terrorist serb është duke kryer ushtrime në rrethinën e Novi Pazar, Kopaonik e Kralevë, me mbështetje të Beogradit zyrtar dhe i udhëhequr nga autori i sulmit të Banjskës Milan Radojiçiq.
Për këtë çështje, Ramadani thotë se institucionet e Kosovës e kanë për detyrë dhe obligim që të mos ta lejojnë përsëritjen e rastit në Banjska. Ai është shprehur se shpesh ka kërkuar që NATO dhe Kosova të kenë aranzhime të reja operacionale, në aspektin e bashkëpunimit mes KFOR-it dhe sektorit të sigurisë së Kosovës.
Po ashtu, ditëve të fundit qytetarët kanë filluar ta përdorin për larje për herë të parë pas lufte liqenin e Ujmanit. Sipas Ramadanit, politizimi i organizimeve, sidomos atyre partiake në mbrojtje të rreptë policore, nuk i bën nder askujt.