Rahovec: Humb jetën pasi goditet aksidentalisht nga traktori
Një person në Rahovec ka humbur jetën si pasojë e lëndimeve të rënda pasi që u godit nga traktori.
Në raportin 24-orësh të Policisë së Kosovës thuhet se i dyshuari mashkull kosovar duke lëvizur mbrapa me traktor, nga pakujdesia ka goditur viktimën mashkull kosovar duke i shkaktuar lëndime trupore.
Pas mbërritjes në spitalin e Gjakovës, viktima ka ndërruar jetë, ku vdekjen e tij e ka konstatuar ekipi mjekësor, teksa me vendim të prokurorit trupi i pajetë është dërguar në IML për obduksion.
“Rahovec / 12.06.2024 – 17:30. Raportohet se i dyshuari mashkull kosovar duke lëvizur mbrapa me traktor, dyshohet se nga pakujdesia ka goditur viktimën mashkull kosovar duke i shkaktuar lëndime trupore. Viktima pasi ka arritur në spitalin e Gjakovës ka ndërruar jetë, ku vdekjen e tij e ka konstatuar ekipi mjekësor. Me vendim të prokurorit, trupi i pajetë është dërguar në IML për obduksion”, njofton Policia.
