Rafuna dhe Cadez nga Serbia janë takuar me Varhely
Biznes
Lexohet për: 2 min.
9 muaj më parë
Linku u kopjua

Kryetari i Odës Ekonomike të Kosovës (OEK), Lulzim Rafuna, në cilësinë e Kryetarit të Bordit Menaxhues të Forumit Investues të Ballkanit Perëndimor, i shoqëruar nga kryetari i Odës Ekonomike të Serbisë, Marko Cadez të martën janë takuar me Komisionerin për Fqinjësi dhe Zgjerim i BE-së, Oliver Varhely, me të cilin kanë biseduar për shtimin e bashkëpunimit ekonomik mes Ballkanit Perëndimor dhe BE-së.

OEK njofton se Rafuna ka thënë se takimi me komisionarin Varhelyi ishte mundësi e mirë për të theksuar nevojën për bashkëpunim në mes të bizneseve të Ballkanit Perëndimor me ato në BE-në dhe se kompanitë e rajonit duan të jenë më prezentë në tregun e BE-së.

"Ne kemi marrë mbështetje të plotë dhe shumë pozitive nga Komisioneri, jo vetëm për Dhomat e Tregtisë të Ballkanit Perëndimor, por edhe për sektorin privat, në mënyrë që të gjitha marrëveshjet e nënshkruara të zbatohen plotësisht dhe sektori privat të përfitojë sa më shumë", ka thënë Rafuna, thuhet në komunikatë.

Në këtë takim, kryetari Rafuna ishte i shoqëruar nga zëvendës-kryetari i Bordit Menaxhues të Forumit Investues të Ballkanit Perëndimor, në të njëjtën kohë edhe kryetar i Odës Ekonomike të Serbisë, Marko Cadez.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024