Zëvendësministri i Ministrisë së Arsimit, Dukagjin Pupovci, ka folur pas lajmit se ka dhënë dorëheqje nga pozita e zëvendësministrit, për çka ka thënë se këtë pozitë do ta mbajë vetëm deri në fund të vitit 2022.

Ai ka konfirmuar për KosovaPress se arsyet e dorëheqjes së tij janë personale dhe se dorëheqjen e tij ua komunikuar kryeministrit të Kosovës, Albin Kurti dhe ministres së Arsimit, Arbërie Nagavci, ndonëse dorëheqjen formale nuk e ka paraqitur ende.

“Është e vërtetë se kam planifikuar që deri në fund të vitit 2022 të tërhiqem nga posti i zëvendësministrit të MASHTI dhe këtë ja kam komunikuar ministres Nagavci dhe kryeministrit Kurti në tetor. Arsyet janë të natyrës personale. Për korrektësi, dorëheqjen formale nuk e kam paraqitur akoma, por këtë do ta bëj në kohën e duhur, kur t’i përfundoj edhe disa punë që i kam filluar dhe në koordinim me ministren e kryeministrin”, ka thënë ai në një përgjigje për KosovaPress.

Pupovci ka thënë po ashtu se edhe pasi të jetë larguar nga posti i tanishëm do të mbetet aktiv në fushën e arsimit.

https://kosovapress.com/%e2%80%8bjep-doreheqje-zevendesministri-pupovci/