Punime në rrjetin e ujësjellësit, këto zona do të mbesin pa ujë të dielën

Punime në rrjetin e ujësjellësit, këto zona do të mbesin pa ujë të dielën

Kompania Rajonale e Ujësjellësit “Prishtina” ka njoftuar se këtë të diel, më 24 prill, kanë planifikuar realizimin e disa punimeve teknike në rrjet, në gypin me diametër 600 mm, në disa zona në kryeqytet.

Në një komunikatë për media bëhet e ditur se si rrjedhojë pa furnizim me ujë të pijshëm nga ora 10:00 – 17:00 do të mbesin lagjja Kodra e Trimave në tërësi, lagjja Medrese, lagjja  Çamëria, lagjja Kolovica e Vjetër, fshati Llukar, fshati Makoc, fshati Sinidoll dhe pjesa e lartë e lagjes Arbëria (lagjja e re mbi komunën e Prishtinës).


“Punimet teknike do të fillojnë në orën 06:00-18:00 derisa ne,  përmes rezervuarëve do të mundohemi që konsumatorët t’i furnizojmë me ujë të pijshëm në orët e mëngjesit dhe para kohës së iftarit, të ditës së diel”, thuhet në njoftim.

KRU Prishtina ka shtuar se intervenimet e tilla të planifikuara në  rrjetin e ujësjellësit  po realizohen për një funksionim më të mirë të infrastrukturës së ujit.

Lexo edhe

Video