Një protestues në Moskë është fotografuar i shtrirë me fytyrë përtokë me duart e lidhura, në shenjë proteste, pasi trupat e ukrainasve u gjetën në të njëjtin pozicion në zonat afër Kievit që deri vonë ishin pushtuar nga forcat ruse.
Imazhet tronditëse të trupave në rrugët e Buçës – disa me duar të lidhura – kanë nxitur një reagim ndërkombëtar duke iu kundërvënë edhe më shume Rusisë.
Fotot e protestës janë shpërndarë nga faqja e pavarur ruse, Holod.media. Stafi i faqes është larguar nga Rusia dhe shpesh është vënë në shënjestër nga autoritetet ruse – por nuk janë bllokuar ende, ndryshe nga publikimet e tjera.
Protestuesi është fotografuar në pjesë të ndryshme të kryeqytetit rus, duke përfshirë në një urë pranë katedrales së qytetit, Krishti Shpëtimtar.
