Armenia tha se 101 persona u plagosën gjatë protestave antiqeveritare të mërkurën në mbrëmje pranë ndërtesës së parlamentit të vendit.

Si protestuesit ashtu edhe oficerët e policisë ishin në mesin e të plagosurve, tha Ministria e Shëndetësisë e vendit të enjten, duke shtuar se 85 u liruan pasi morën ndihmën e parë, ndërsa të tjerët u shtruan në spital.

Të mërkurën në mbrëmje, policia filloi të përdorë granata pas një përleshjeje me aktivistët e opozitës që u përpoqën të bllokonin ndërtesën e parlamentit, duke kërkuar dorëheqjen e kryeministrit Nikol Pashinyan.

Kërkesa për dorëheqjen e Pashinyan dhe kabinetit të tij buron nga disfata e Jerevanit në konfliktin e Nagorno-Karabakut, të cilin shumë armenë e shohin si një poshtërim kombëtar. Në 2020-2023, Azerbajxhani fqinj e çliroi rajonin e Karabakut nga gati tre dekada pushtimi armen.

Kritikët kanë akuzuar Pashinyan dhe qeverinë e tij për paaftësi në fusha të ndryshme të qeverisjes, duke përfshirë menaxhimin ekonomik, trajtimin e pandemisë COVID-19 dhe dështimin për të zbatuar reformat e premtuara.

Ekziston gjithashtu një pakënaqësi e përgjithshme politike midis disa sektorëve të popullsisë dhe grupeve politike që kundërshtojnë politikat pro-perëndimore të Pashinyan. /AA