Presidentja Vjosa Osmani ka pritur sot në takim shefen e re të UNICEF-it për Kosovë, Veronika Vashchenko, me të cilën ka diskutuar mbi vazhdimin e bashkëpunimit dhe përpjekjet për përmirësimin e mirëqenies dhe zhvillimin e fëmijëve në Kosovë.

Gjatë takimit, në veçanti u diskutua për projekte në përkrahje të edukimit të hershëm të fëmijëve, mbështetjen e fëmijëve me nevoja të veçanta si dhe ndikimin e ndryshimeve klimatike në shëndetin e fëmijëve.

Osmani, ndër të tjera, në këtë takim shtroi nevojën e zbatimit të programeve të fokusuara te fëmijët dhe promovimi i barazisë gjinore në të gjithë sektorët.