Shefi i kabinetit të presidentes Vjosa Osmani, Blerim Vela ka deklaruar sot se pretendimet se gjoja Gjykata Kushtetuese do ta “rrëzojë” presidenten, është synim për t’i bërë presion Gjykatës dhe për të krijuar huti në publik.

Ai ka shkruar se Gjykata Kushtetuese është institucion i pavarur, e cila ka detyrim të qartë ligjor për të ruajtur integritetin e vendimmarrjes gjyqësore.

“Çfarëdo skenari eventual për të shkaktuar kriza institucionale në Kosovë dhe për ta nxjerrë nga binarët procesin e dialogut (në veçanti për ta parandaluar zbatimin e nenit 4, të marrëveshjes), është vetëm skenar i vetë Serbisë”, ka shkruar ai në Twitter.

Vela ka shkruar kjo është përpjekje për ndikim të vendimmarrjes gjyqësore dhe tentim puç ndaj institucioneve legjitime të Republikës së Kosovës.

Pretendimet se gjoja Gjykata Kushtetuese do ta “rrëzojë” Presidenten, është synim perfid për t’i bërë presion Gjykatës dhe për të krijuar huti në publik. GjK është institucion i pavarur, e cila ka detyrim të qartë ligjor për të ruajtur integritetin e vendimmarrjes gjyqësore.
1/4

— Blerim Vela (@Blerim_Vela) March 30, 2023