Prej datës 25 lehtësim i masave për udhëtim nga Kosova për në Gjermani

Prej datës 25 lehtësim i masave për udhëtim nga Kosova për në Gjermani

Nga 25 qershori do të ketë lehtësime të kufizime të udhëtimit nga Kosova drejt Gjermanisë për personat e vaksinuar kundër COVID-19.

Nga ambasada e Gjermanisë në Kosovë kanë treguar se personat plotësisht të vaksinuar, dy javë pas marrjes së vaksinës së fundit do të mund të ushtrojnë drejt Gjermanisë për vizitat, udhëtime afariste dhe qëllime turistike, me kusht që posedojnë vizën.


“Njoftim: Nga 25.06.2021 lehtësime të kufizimeve të udhëtimit nga Kosova drejt Gjermanisë për personat plotësisht të vaksinuar kundër Covid-19. Me efekt nga data 25.06.2021 për personat plotësisht të vaksinuar kundër Covid-19 sërish do të jenë të mundshme udhëtimet nga Kosova drejt Gjermanisë me parakushte të caktuara. Personat plotësisht të vaksinuar, 2 javë pas marrjes së  vaksinës së fundit do të mund të udhëtojnë drejt Gjermanisë për vizita, udhëtime afariste dhe qëllime turistike, me kusht që posedojnë vizën eventualisht të nevojshme”, thuhet në njoftimin e ambasadës.

Për udhëtim duhet një vaksinim i plotë.

“Udhëzime: Personat plotësisht të vaksinuar, sipas parashikimeve nga fillimi i korrikut sërish mund të caktojnë termine për viza Schengen. Me rastin e parashtrimit të kërkesës, duhet të paraqiten dokumentet mbi statusin e vaksinimit. E nevojshme për udhëtimin hyrës është një dëshmi mbi vaksinimin e plotë dhe të bërë së paku para 14 ditësh me një vaksinë të lejuar edhe në Gjermani”, thuhet në njoftim.

Lexo edhe

Video

1 Koment

Komentet janë të mbyllura.