Policisë së Kosovës sot iu janë shtuar edhe 445 kadetët të rinj. Gjatë ceremonisë u tha se ata do të jenë gardianë të Republikës së Kosovës.
Kjo ishte gjenerata e 59-të e diplomimit të Policisë, në të cilën, presidentja e Kosovës, Vjosa Osmani tha se beson që detyrat e tyre do i kryejnë me nderë, respekt e llogaridhënie.
“Jam e lumtur që sot ndodhem në këtë ceremoni diplomimi të gjeneratës të 59 është teje e rëndësishme jo vetëm për ta por për të gjithë ne, dhe në të njëjtën kohë shënon kurorëzimin ë një pune të jashtëzakonshme, me një mund të madh për t’u bërë gardian të republikës tonë. Sot bëni betimin solemn për të mbrojtur dhe për të shërbyer, ne e kemi një ndjenjë të jashtëzakonshme krenarie për secilin prej jush”.
Ndërkaq, kryeministri Albin Kurti tregoi numrin e policëve të ri të cilët ishin 345 djemë e 100 vajza.
“Vendit tonë do t’i shtohen edhe 445 policë të rijë të cilët do të shërbejmë gjithandej nëpër Kosovë në stacione e në detyra të ndryshme duke iu dhënë një masë përforcuese kolegëve tjerë policë. Nga 445 policë që do të betohem sot, 345 janë djemë dhe 100 vajza, ndërsa 375 policë janë shqiptarë dhe 88 nga komunitetet jo shumicë”, tha ai.
