Përfundon ndeshja, Marseille dhe Lazio ndajnë pikët në “Velodrome”

Përfundon ndeshja, Marseille dhe Lazio ndajnë pikët në “Velodrome”

Ka përfunduar ndeshja mes skuadrës franceze Marseille dhe Lazios, ku pas 90’ minutave lojë të zhvilluar nuk ka fitues.

Ndeshja e sotme ishte e vlefshme për xhiron e katërt të fazës së grupeve në Ligën e Evropës, përcjell KosovaPress.

Fillimisht, ishte skuadra nikoqire ajo e cila kaloi në epërsi e para përmes golit të sulmuesit Arkadiusz Milik, i cili shënon në minutën e 33’ nga pika e bardhë.

Golin e barazimit për Lazion dhe të fundit në pjesën e parë e shënoi sulmuesi anësorë Felipe Anderson, i cili shënon në minutën e 45’+7 shtesë.


Pjesën e dytë e filloi më mirë skuadra italiane, ku sulmuesi Ciro Immobile shënon në minutën e 49’ për ta dërguar Lazion në epërsi për herë të parë në këtë ndeshje.

Golin e barazimit për Marseille e shënoi sulmuesi Dimitri Payet, i cili ia siguroi një pikë të vlefshme skuadrës së tij.

Me pikët e reja, Lazio zë vendin e dytë në tabelë me gjithsej pesë pikë, një më shumë se Marseille që pozicionohet në vendin e tretë.

Rezultati përfundimtar i ndeshjes mes Marseille dhe Lazio është i barabartë 2:2.

Lexo edhe

Video

error: