Instituti Hidrometeorologjik i Kosovës ka informuar se pas ditëve me reshje rekorde, vendi ynë do të ndikohet nga masat e nxehta të ajrit me origjinë nga Afrika Veriore. Sipas parashikimeve, këto masa të nxehta të ajrit do të intensifikohen javën e ardhshme, duke krijuar kushte që merkuri në termometër të shënojë vlera 34-37 gradë Celsius në gjysmën e dytë të javës së ardhshme.

“Neser moti parashihet të jetë kryesisht i qetë me vranesira të pakëta rreth relievit malor, ndersa të dielen mot kryesiht i kthjellet dhe me vapë. Prezenca e lartë e lageshtise se ajrit dhe presioni i lartë do të krijoj ndjesi që temperaturat të shkojnë mbi këto vlera të lartëshënuara.”, ka bërë të ditur IHMK.

Sipas parashikimeve, indeksi UV do të jetë shumë i lartë, prandaj instituti ka kërkuar kujdes ndaj kontaktit direkt me rrezet e diellit, sidomos nga ora 10-17.

Do të fryjë erë e lehtë deri mesatare nga perëndimi dhe verilindja./KosovaPress

https://kosovapress.com/admin/parashikimi-i-motit-16/

https://kosovapress.com/admin/parashikimi-i-motit-per-vikend-2/