Osmani kujton Ukshin Hotin: Fati i mendimtarit mbetet peng ende

Osmani kujton Ukshin Hotin: Fati i mendimtarit mbetet peng ende

Presidentja e Republikës së Kosovës, Vjosa Osmani, ka përkujtuar intelektualin Ukshin Hoti, në 23-vjetorin e zhdukjes.

Osmani ka thënë se ndonëse në liri, fati i mendimtarit mbetet peng ende.


Sipas saj, liria do të ketë kuptim vetëm kur fati i tij dhe i të zhdukurve të tjerë me dhunë do të zbardhet krahas me vendosjen e drejtësisë.

“Janë 23 vjet pritjeje e ankthi për njeriun që mendimin politik e sinkronizoi me aktivizmin politik për lirinë, republikën dhe demokracinë. Republika, liria dhe demokracia u bënë, porse fati i mendimtarit mbetet peng ende. Ai i qëndroi besnik idesë së Republikës, e liria do të ketë kuptim vetëm kur fati i tij dhe i të zhdukurve me dhunë të tjerë, të zbardhet krahas me vendosjen e drejtësisë”, thuhet në përkujtimin e presidentes Osmani.

Më 16 maj të vitit 1999, Ukshin Hoti u lirua nga Burgu i Dubravës dhe nga ajo ditë nuk dihet asgjë më për fatin e tij.

Lexo edhe

Video

1 Koment

Komentet janë të mbyllura.