Osmani: Kosova do të vazhdojë të jetë në krah të Shqipërisë

Osmani: Kosova do të vazhdojë të jetë në krah të Shqipërisë

Presidentja e Kosovës, Vjosa Osmani në 109- vjetorin e pavarësisë, ka uruar që Shqipëria krahas Kosovës të ketë sukses në të gjitha fushat.


Osmani ka shkruar në Facebook se Kosova do të vazhdojë të jetë në krah të Shqipërisë në të mirë të interesit të përbashkët, duke thelluar më tej lidhjet tona ndërmjet motrave e vëllezërve, sikurse edhe ato strategjike.

“Më 28 nëntor të vitit 1912, populli shqiptar e kurorëzoi aspiratën për  Shqipërinë e pavarur. Ky akt së bashku me ngritjen e flamurit në Vlorë janë akte të shenjta të historisë sonë të përbashkët, të cilën e ndërtuam me mund dhe sakrifica. Kjo datë ka shumë peshë historike. Në këtë ditë ka lindur komandanti legjendar Adem Jashari dhe po në këtë ditë, Ushtria Çlirimtare e Kosovës u paraqit për herë të parë publikisht. Të dy këto ngjarje i japin edhe më shumë kuptim nëntorit, sepse bartin në vete frymën e lirisë, idealin e brezave që nga Skënderbeu, Ismail Qemajli, Isa Boletini e shumë patriotë të tjerë. Gëzuar Dita e Flamurit, urime dita e Pavarësisë së Shqipërisë. Zoti i bekoftë Republikën e Shqipërisë dhe Republikën e Kosovës”, ka shkruar ajo.

Lexo edhe

Video

error: