Lajme   Biznes   Sport   Covid-19   Video   Kulturë   Magazina   Ngjarje

Osmani dhe Richardson flasin për avancimin e mirëqenies së fëmijëve dhe të grave

Osmani dhe Richardson flasin për avancimin e mirëqenies së fëmijëve dhe të grave

 Ushtruesja e detyrës së presidentes, Vjosa Osmani priti sot në takim Ulrika Richardson, koordinatore për Zhvillim të OKB-së, e cila i përcolli urime Osmanit për rezultatin në zgjedhjet parlamentare të 14 shkurtit, si dhe e uroi atë dhe popullin e Republikës së Kosovës për një proces të qetë e demokratik zgjedhor.


Sipas një komunikate të Presidencës, palët diskutuan për rëndësinë e shndërrimit të pritshmërive të qytetarëve në punë dhe në projekte konkrete.

“Në këtë drejtim, u diskutua edhe për avancimin e pozitës dhe mirëqenies së fëmijëve dhe të grave. Njëkohësisht, u theksua nevoja për bashkrëndim të politikave publike dhe projekteve të ndryshme zhvillimore me Objektivat e Zhvillimit të Qëndrueshëm. Në takim u diskutua edhe për rëndësinë e prioritizimit të menaxhimit të suksesshëm të pandemisë si dhe sigurimit sa më të shpejtë të vaksinës, si dhe bashkëpunimit të vazhdueshëm ndërinstitucional në këtë drejtim”, thuhet në komunikatë.

Lexo edhe

Video

1 Koment

Komentet janë të mbyllura.

error: